martes, 29 de abril de 2008

Nunca llovió que nun abocanara

Que cosa curiosa esta de la meteoroloxía, sobre too si quies salir al monte. ¿lloverá, nun lloverá, llevo ropa bastante?, ¿meto'l paragues o el pantalón d'agua?
Que cosa curiosa esta de decidise a salir al monte cuando'l día anterior tá lloviendo. ¿y si lo dexamos pa otru día?
Que cosa curiosa esta de quedar en casa, cuando a les siete la mañana sientes el agua golpear nos cristales y suena'l teléfonu y sabes que ye otru día mas ensin monte; mas, sabiendo que cuando te levantes a les diez, nun va caer gota y el día va tar radiante.
Que cosa curiosa, esta d'esperar que amanezca lloviendo, pa ser tu el que llames a los colegas y suspendas la xornada montañera. Ayeri acostástete a les mil y güei ties una resaca de: queda quietu ehí y nun te muevas.
Que cosa curiosa esta de pensar: igual esti agua que cae, mañana ye nieve.
Que cosa curiosa, que ya nun llueva tanto como antes.
Que cosa curiosa, que quieran facer un pantano en Caliao cola escusa de dai de beber a la xente, cuando toles nueches despilfarren el agua pa regar les cais.
Que cosa curiosa, que se peguen polos trasvases p'asegurar el riegu nes güertes, cuando'l Polaris world tien campos de golf, estanques y fontes per toles esquines.
Que cosa curiosa que-y tegamos perceguera a la lluvia, cuando toes sabemos que'l agua nun ye como lo feo, el agua polo menos seca y desaparez.
Que cosa curiosa, que llueva que llueva, la virxen ta na cueva, los paxarinos que canten, que les nubes se levanten y al final aparez un chaparrón.
Que cosa curiosa, que tengan que romper los tus cristales y los mios non.
Que cosa curiosa que nunca lloviere que nun abocanare.

NON AL PANTANU DE CALIAO






miércoles, 23 de abril de 2008

Tormenta nel picu Los Tornos

Ellí tabemos. Como posando pal cartel d'una orquesta vervenera. Con paragües azules y verdes, contrastando col gris de aquel cielu y aquella niebla que nos envolvía.
L'oxetivu taba cumplíu. Habíamos salido del pueblu casín d'Orle con buen tiempu y habíamos ascendido a la cume del picu Los Tornos. Pero como siempre se diz, el día nun termina hasta que nun llegas al autobus y así y too, tobía hai que llegar a casa, que por ciertu... baxar d'ellí llera lo que nos quedaba.
El momentu nun yera del todo feliz, nada mas llegar arriba, la niebla habíanos envuelto y nun nos había permitido disfrutar del paisaxe. Lo del pitín de cume, por supuesto, ta institucionalizao; aparte, que solo pensar nos cien metros de canal que nos esperaven na mas salir d'ellí, infundien un poco de "canguelo".
La niebla espesa, la nieve blanda y escasa, la cuenta pal patinazu traicioneru y los pocos metros de canal n'aquelles condiciones, la cuenta pal desastre.


La salida del picu entamó nerviosa, amenaces de vómitu, gritos de "esperaime por favor", niebla y agua.
Baxabemos como n'una piña, apretaes como los clavos que se retuercen ente si pa que nun se puedan desclavar. Pensando, si caigo yo van todes detras. Unes coles manes xelaes d'agarrase a los matos y a les piedres, otres cola sonrisa xelada que dan los nervios, les mas, pensando no bien que tarien, con aquel dia de perros, en casa y viendo llover dende la ventana.

En realidá, quitando lo que nos moyamos y los nervios de baxar per aquella canaluca per culpa de les males condiciones de la nieve, el día foi redondu. De verdá que ye una ruta recomendable pa cualquiera.

lunes, 21 de abril de 2008

¿Regasificadora en Xixón?

Tercer capítulu y otra muestra de per onde pué dir todo esto nomao "La Sacabera Errante".
Esti fin de selmana tocó dir a Xixón a decir que nun queremos que se construya nel so puertu una regasificadora. A denunciar qu'esti mundu ta fecho una llaceria y que mos lu tamos cargando. A glayar que esiste una mala política enerxética y una más que surrealista conciencia del agua. Esti domingo xuntámonos en Xixón, ¿cuantes seriamos?, nun se, pa los númberos soi negau, mas o menos unes seiscientes persones, digo yo. Y si, ya se que nun comento na de que ye too esto de la regasificadora, Caleao, Lada-Velilla, la Pereda y otru llargu etc mas qu'esiste, pero parezme que hai páxines, como la de la coordinadora ecoloxista d'Asturies (el enllaz teneislu equi al llau) onde lo van esplicar meyor que yo, asina que prefiero mas nun meteme en camises d'once vares de les que dempues nun soi quien a salir. Y pueo aseguravos que soi dao a ello.
¿¿¿¡¡¡REGASIFICADORA EN XIXÓN!!!??? PORSUPUESTU QUE NON


sábado, 19 de abril de 2008

Flasbacks

¿De onde sal toa esta xente? ¿y qué ye lo que miren? Pasa dalgo. Caminar, tengo que seguir caminando y nun desfallecer. Mírate pa les botes y nun pienses no que te queda entobía por subir. Ye igual, ties tol tiempu del mundu, y eso por nun querer contratar una mula, que osties, a esti mundu biense a sufrir y equí ye onde lo tamos entamando a pagar. Yo si que pagaba agora mesmo porque dálguien me llevase esta mochila, que cargo sobre mi como penitencia poles maldaes que cometi en vides pasaes. Mecaguen.

¿Y una cervecina? Dios como diva entrar una cervecina fresca con un montón de gaseosa. Soi fatu o que, ¿por qué me torturo así? Esti neñu ya debe de tar arriba. La madre que lu parió, que nun tien culpa nenguna, que fuerte ta. ¿Quedará muncho? Menos mal que esto yera lo mas cencieyo. Pa que se me ocurriría a mi meteme n'estos fregaos. Madre de Dios, tengo que parar. Bueno, ya ta, nun hai mas remediu que tirar p'alantre y que seya lo que quiera. Voi cantar, asina nun pienso. Si polo menos les canciones que me salen fuesen dalgo decentes, solo soi quien a cantar la de "sufre mamón". Que cruz.
Estos, mas o menos, yeren los pensamientos que constantemente y durante un espaciu infinitu de tiempu, me diven pasando pela cabeza, metanes arrastraba esti cuerpu serranu peles cuestes del Toubkal, cume más alta na que yo tuve hasta agora. Y viendo la esperiencia, nun se yo si...



Obsesiones


Ya lo decía mio madre: el comer y el rascar ye too p'abotargar los sentios... Y ye que dende que les sacaberes entamaron a facese visibles, ya nun quieren parar, dicen que d'equí a la eternidá.
Fue en Radio Sele, 106.1 de la fm, http://www.radiosele.net/ , va un montón d'años, onde estos simpáticos bichinos, amantes de lleendes y humedaes, perdieron la invisibilidá y ficieron usu y disfrute d'esi esibicionismu hertzianu que les lleva a surfear pola banda sonora de lo qu'elles llamen, eufemísticamente, planeta azul.
Y ye güei, víspera de nada, cuando pierden totalmente'l norte y la compostura pa enredase nel mundu virtual de ¿cómo ye? ¿blogsfera?

¡¡¡POR FIN LLEGAMOS!!!

Yá naide nos pue parar, aunque la verdá ye que nun sabemos bien onde nos tamos metiendo; da igual, tampoco lo sabiemos cuando formando parte del "comandu itinerante" del grupu monte Ibice-Cuadonga planteabemos la idega de facer unes xornaes montañeres, que cola tontería, ya van pola quinta edición.

Con estos antecedentes ¿quién dixo mieu? Entamamos agora, pues, el retornu lóxicu al so mediu habitual de les sacaberes: los praos y les caleyes. Esperando sólo que al dir xuntes pelos montes, valles, ríos, fontes, biesques y demás paisaxes de dientro y fuera casa, seya motivu suficiente pa que apaguéis l'ordenador y disfrutéis d'esta primavera que ya se nos echa encima. Bueno, val, ya se que esto último suena un poco cursi, pero de dalguna forma tenía que terminar y aprovechar pa decir, que a lo que les sacaberes se van dedicar n'esti blog ye a pisar praos, a la naturaleza, a la fauna y coses similares.
P.D.
Da lo mesmo'l camín que tomes, porque al final, tolo que se sube, irremediablemente tien que baxar.