sábado, 28 de junio de 2008

Vaquines inquietes




Güei, queria cuntavos la hestoría de la vaca flaca. A la que un día de primavera dixeron-y que tenía que dir pal puertu y ella nun quería.


- Pero mama, como voi dir pal puerto si lo que quiero va quedar equí abaxu.
-Hai neña, nun me des el dia que bastante tengo yo colo mio. Tira pal monte que si non voi subite yo y va ser peor. Y muncho peor si bien esi energúmenu que mos dio de comer tol iviernu. -Pero…
-¡¡Qué tires pal monte oh!!


Y la vaca flaca nun tuvo mas remediu que subir aquella primavera pa la mayada. Y metanes les hermanes decien que aquel añu la herba taba más rica que’l añu anterior, ella nun facía mas que pensar nel tiempu que tenía que pasar entobía pa que llegasen les primeres ñebes; y aquel palurdu de paisano-yos abriese la corte.


Que duro se facía tar ellí arriba. Tolón, tolón tol día, y suañando, señardosa, que lo que-y apetecía yera averase a aquella que tantu quería.
¡Que-y habien traio a un mostrencu grande y fatu, tou enllenu cuernos, pensando que lo que-y pasaba yera que necesitaba macho! Y ella lo que necesitaba, yera’l cariñu d’aquella vaquina que había pasao toles tormentes averada a ella, espantandoi les mosques col rabu cuando mas guerra daven, llambiendoi aquella mancaura que-y habia fecho la cadenona que-yos obligaba a llevar a quel mostrencu de boina ensín capar. Cola que había compartio la pación nes nueches de vixilia. Aquella vaquina guapa que quedo na cuadra cuando a elles les echaron pal monte, yera lo que queria, non esi torón que taba ellí mirando como si nun pasare na.


-Que si feu, que contigo nun quiero na, que yo lo que quiero ye baxar pala ivernal y aviejar cola mio neña. Vaquina y vaquina como si se acabase el mundu.
Güei queria cuntavos , que nun se lo que-y pasaría pela cabeza a aquella vaca que tando nel monte lloraba en silenciu, señardosa con esa cara señardosa qe tienen les baques.

lunes, 23 de junio de 2008

Homenaxe a Iker Jimenez


Va un par de fines de semana, concretamente’l domingu 8 de Xunu, el grupu diva facer la ruta Llagos de Cuadonga – Poncebos, baxando pela canal de Culiembro. Una ruta bien guapa aunque…
¿Por qu’esperar al domingo si pues dir ya de sábado? Habiailo comentao a Dompe y a Deivid, pero nengunu dellos podía venir esi día. D. Peralta diva dir, eso si, de domingu col grupu, asina que pa ellí fuí yo solu.
¡Qué sábado mas guapu! Nubes y claros pa la cordillera y una temperatura que nun me dexaba notar, que con cada rayu de sol que baxaba del cielu, diva chamuscándome mas y mas el pescuezu.
¡Qué misería mas guapa! Al final, nun pude facer lo que quería, tenía intención de subir a los llagos y d’ellí, caminando, dir a durmir a Ario, ¡perfectu! Pero como entobía nun furrulaba la llinia d’autobuses que sube de Cuadonga, tuve que poneme a caminar dende’l “santu” llugar mesmu, siguiendo lo que nomen, la ruta de les peregrinaciones.
¡Qué camín más guapu! ¿dalguien nun conoz la vega d’Orandi? Merez la pena. Dellí p’arriba, pasando per onde lo que llamen la peña’l elefante, per detrás de Buferrera, atravesando Vega Mayor, Ostón y culiembro hasta Poncebos. ¡Que pechada!
¡Qué nueche mas guapa! Pero el sucesu en cuestión que quiero reseñar n’esti momentu, pasome en vega Fondos, cerca de la mayada de Severín, parau n’una fonte y explayándome cola camara.
¡Qué arte mas guapu! ¿Cuantes semeyes-y sacaría a aquel arbolucu? Cuatro o cincu polo menos, queria facer un montaxe que dempues nun pudo ser. Una délles ye cola que abro esti post. Porsupuestu que nun yos preste más atención, nin cuando pela nueche yos eche una gueyada. ¡Pero ellí taba! ¡Qué cosa mas… curiosa! Cuando por fin les vi en casa… ¡Nun lo podia creer! ¡¡¿Quiénes somos, de onde venimos, a onde vamos? ¿Tamos soles na galaxia?!!! Pues yo y Iker Jiménez creemos que non.
Tengo que mandaila y ver si ye quien a facer un grandiosu reportaxe delos que el fae.
¡Qué programa más curiosu! Xurovos que nun ta trucao nin na. Cincu semeyes iguales y esta la única que salio asina.
¡Qué curiosidá tan guapa!

lunes, 16 de junio de 2008

Momentos

video
Hai momentos, en que lo meyor ye dexar correr el tiempu, perdelu. Avieyar tranquilamente y despreocupase.

martes, 10 de junio de 2008

El xuegu de los errores


Pa güei, propóngovos un xuegu. El xuegu del error.
Estes dos imaxenes tan tomaes el mesmu día, solo tienen una hora de diferencia; solo que a una d'elles ocurre-y dalgo que teneis que adivinar que ye. Sé que sois llistes y por eso nun voi dar nenguna pista. Lo único, deci-yos a les que nun sitúen estes imáxenes, que ye'l macizu central de Picos d'Uropa dende un poco mas p'arriba de la mayada d'Ostón.
¿Queréis premiu? Primero tenéis que ganalo y dempues, ya veremos. Ya pensaremos dalgo que vos pueda satisfacer. Je.




miércoles, 4 de junio de 2008

Yo doi la cara pola oficialidá








La familia entera damos la cara pola oficialidá. ¿Quies dala tu tamien? www.doilacara.net


Oda a Mayu (¿Por qué te vas?)


¡Cojona! Nun se si teneis la mesma sensación que yo. Escaposenos Mayu ente los deos. La primavera viendo llover. Mayu, el mes de les flores.

Cantaba Jose Afonso:
" Maio maduro Maio, quem te pintou. Quem te quebrou o encanto, nunca te amou Raiava o sol já no Sul, Ti ri tu ri tu ri tu ru Ti ri tu ru tu ru E uma falua vinha lá de Istambul. Sempre depois da sesta chamando as flores. Era o dia da festa Maio de amores. Era o dia de cantar, Ti ri tu ri tu ri tu ru Ti ri tu ru tu ru. E uma falua andava ao longe a varar. Maio com meu amigo quem dera já. Sempre no mês do trigo se cantará. Qu’importa a fúria do mar, Ti ri tu ri tu ri tu ru Ti ri tu ru tu ru. Que a voz não te esmoreça vamos lutar. Numa rua comprida El-rei pastor. Vende o soro da vida que mata a dor Anda ver, Maio nasceu, Ti ri tu ri tu ri tu ru Ti ri tu ru tu ru. Que a voz não te esmoreça a turba rompeu "