sábado, 1 de noviembre de 2008

Influencies cinematográfiques



¿Nun notais cómo si mos observaran? ¡Qué sensación más rara! Llevamos too el camín como si fuese dalguien detrás nueso ¡y mira qué vamos rápido!
Quiciaves seya un bicho, pue ser sólo una sensación o, porque non, dalguien con un hachu que mos piensa descurartizar y dempués azotar los cachos pel monte pa que los coman les alimañes.
¡Para-y...! ¿Qué foi eso? Toi entamando a acoyoname ¿por qué nun vamos más rápido?
Tamos equí metíes nesti piornal y ya veréis... Si ye’l del hachu nun tenemos escapatoria. Aunque bueno, si ye dalguien con un hachu ¿de qué queremos fuxir?
Yo esto téngolo visto nes películes, llega l’asesín sicópata y cárgase a todes menos a un, que feríu de muerte consigue revolvése y acabar con elli ¿sedré yo el que se salve?
Nun sé vosotres pero yo cuerro muncho, soi capaz de fozar como un xabalí ente los piornos y enantes que naide llegar a...
¿Pa ónde vamos ho? ¡Asina nun hai quién pueda! Perseguíes por un despiadau asesín sicópata, armau con un hachu y ensín saber pa onde vamos.
¿Y si cambia de idega y en vez de venir per detrás vién per delantre? ¿qué ye meyor? ¿correr cuesta arriba y a ver quién cansa enantes? o ¿echar a correr p’abaxu e intentar algamar más velocidá qu’el sicópata? ¿y si son dos los sicópatas?
¡Shhhhh! ¿oyisteis? ¡ya tá! ¡nun tenemos escapatoria! ¡equí vién a por nos! ¡correi! ¡correi!
¡Dani! ¿ónde ta Dani? ¡mierda! ¡correi! ¡qué ya garró a Dani!
Dani ¿ónde tabes? ¡caguen mi manto Dani! ¿yes tú el que vienes detrás de nos? ¡gilipollas! ¡y nos creyendo que yera un bicharracu! Ya-yos taba diciendo yo a estos que me dexasen a mi, que conmigo nun podía ¡Anda! ¡tira p’alantre y dexa de una vegada la cámara fotos! ¡qué paeces un yonki dixital!

No hay comentarios:

Publicar un comentario