lunes, 14 de enero de 2013

Carne trémula (making off)

Pasu ente pasu y cola camiseta pegada a los excesos de mazapán, afrontamos les primeres cuestes d'esti añu qu'estrenamos.
El día ta buxu y friu, típicu día ivernal pa la primer salida del añu del grupu monte. Nun soi l'únicu que resopla, más que menos, pa toes ye la vuelta'l caleyar depués de feches tan señalaes.
Pero volvamos a la camiseta, que ye de marca, térmica y ún de los regalos del día de reis. De mariella que ye, manca; primera de les regles na moda montañeril; y axustada, según reza la teoría de la cebolla. Lo que tien la camiseta, siempre dientro los cánones especificaos, ye que oprime, física y anímicamente. Oprime hasta'l puntu de querer renegar cristianamente de la cena cabera; non bien pola fartura non, más bien pol reniegu en sí, que tamien presta. ¿Y embaxo d’ella? Nótolo. Grasa y sebu, que ximielgándose rítmicamente, intenta rellenar tolos requexos posibles d'esa prenda que ye de marca, térmica, mariella y ún de los regalos del día de reís.
¡ Redios¡ nun hai escusa posible. El nuevu propósitu pa esti añu qu'estrenamos, intentar convencer a quien me quiera regalar una camiseta, que la compre una talla mayor.




5 comentarios:

  1. Complicáu, el mio termica ye una talla mayor y tamién me prime al cabu d'un ratu, por non dicir que les mangues quédenme llargues y tengo que faer un dobladillo de domingu, hai, les termicas hai que mercales, probales y devolveles si nun valen... en fin. La ruta foi bien guapa y les tos fotografias enforma mas, ere la mio idolo Daniel ;) (fotograficamente falando, jajajaj)

    ResponderEliminar
  2. Gracies polos animos Carlinos. Ta claro somos unes fashion victims.

    ResponderEliminar
  3. Este comentario ha sido eliminado por el autor.

    ResponderEliminar
  4. Préstame muncho too: comentariu, semeyes,...¡Norabona!

    ResponderEliminar