jueves, 21 de marzo de 2013

Faciendo l'indiu

Miro pa un llau y na.
Miro pa l'otru y sigo ensín ver na.
Golifo l'aire y piesyo los güeyos intentando abrir les oreyes..., pero na de na.
Les buelgues son clares y parez que de va pocu tiempu, anque en realidá nun tengo ni la menor idega; que mas quisiera yo que ser un indiu Seminola en plan rastreador.
¿Indios? ¿Por qué a los pueblos nativos del norte d'América los llamaben indios, si nun lleren de la India? Sirva como exemplu el saber que nel sureste de los Estaos Xunios, lo que güei ye Arizona, Nuevo México y parte de Texas, agrupávense unes 57 tribus: Hopis, Holis, Zuñis, Acoma, Laguna, Navajos, Apaches, Maricopa, Quechan, Pimas, Pápagos, Mojaves, Tarahumara y yo que se cuantos mas. Bono, si se, hasta 57 pueblos dixebraos. ¿Solo por qué creien haber atopao la India ya-yos quedo’l san benitu? Amos home.
Dalguien glaya: ¡mira-y, mira-y, ellí tan! ¿Cuantos hai?
Mierda, yo creyéndome'l meyor de los rastreadores Maricopa y ente tantu pásenme per delantre y nun m'entero.
Flipo coles buelgues, hai cientos, miles d'elles que van d'un sitiu pa otru. Grandes y pequenes, recientes y vieyes. Pero nos, nun somos Hopis, non. Nin Navajos, Nin Acoma; solo somos un piñu xente que vamos camín d'el Retiñón nun día de los que fae afición al monte; metiendo ruiu y resoplando, quexándonos de les cuestes y ente rises; dalgo que los Quechan nun fadrien, elles diríen en silenciu y con paciencia animista, siguiendo los pasos de los sos guíes, buscando la presa o el camin mas afayaizu.
 Llevar guies y buscar el camín mas afayaizu ye l'único que mos asemeya a los pueblos nativos del norte d'América, solo que los nuesos son los que más resoplen por dir fozando cola ñeve reblandecío.
Non, nun somos nengún pueblu masacrau pol home blancu, lo mesmo que yo nun soi nengún rastreador Seri, tengo que asimilalo, más bien, un resoplador mas con ínfules d’esplorador Navajo.
 Que-y vamos facer.





3 comentarios:

  1. Mui bona introducción y más que perguapes semeyes. ¡Norabona!

    ResponderEliminar
  2. Guapísimes¡¡¡ (o per guapes). Ya sabes que no domino el asturianu. Sólo hay una cosa que no me acaba de encajar: ¿cómo ye que'n algunes d'elles vas delantre de tanta xente?
    Ya me harás las correcciones ortográficas oportunas.
    Saludos.

    ResponderEliminar
  3. Munches gracies polos comentarios Arturo. A ti tamien Dompe, eses correiciones vamos faceles delantre d'una botellina, ya lo sabes. Y lo de dir delantre tanta xente, nel mio casu, que siempre voi detrás, ye que hai momentos en que merez la pena l'esfuerzu, aunque lo pagues depues.

    ResponderEliminar