sábado, 20 de diciembre de 2014

La ventana indiscreta


Hola Fele ¿atópeste ehí?
Yo equí voi llevándolo; echándote de menos…
Triste claro, como nun voi tar triste; nun me diste tiempo a despedime…; si, ya sé que nun llera esi ni’l plan, ni la to intención…, perdona.
Val, si. Si…
Yo intentolo, aunque tá resultándome difícil enforma disimular delantre d’estes. Ya sabes, tamos nestes feches y tan oscuro ta fuera como dientro.
Si, elles tamién lo lleven como pueden. Tamien disimulen delantre mio. Tamien t’echen de menos.
Bueno…
Si, claro que pienso en ti: cada día, cada minutu, cada segundu.
Yo a ti tamien.
Adiós.
Adios, adiós. Quierote.



martes, 2 de diciembre de 2014

Ménage à trois

Nun arrebatu premeditau por saber que lleren observaes dende dientro, averose enforma a ella y sele dixo-y a la oreya: el paraisu pue tar en cualquier llugar, entremos equí y que seya lo que quiera.



lunes, 24 de noviembre de 2014

Parez que va llover.

Foi un instante, tres segundos na mas el tiempu que tardó en camudar d’estación dientro d’aquel ascensor. De la cromática seronda al irremediable iviernu nuna sola frase: siéntolo, sé que nun lo esperaves pero te voi dexar, ya nun te quiero.




jueves, 13 de noviembre de 2014

Listines del pijo

Mira Sofía, voi facer la rana con esta piedra, ya verás como mola...
Mira papa, yo voi tirar esta otra piedra y vas ver tú como nel puntu onde cae, produzse una perturbación que ye la causa de que les partícules d'agua varíen la so posición d'entamu, y escomencipien a movese ente dos posiciones extremes. 
Pa que lo entiendas; la perturbación esa, que se produz nuna sola partícula, contaxa a les partícules d'agua averaes a la primera y entamen a sufrir la so influencia y, como consecuencia d'ello, la perturbación propágase en forma d'oles, que tienen el so orixe nel puntu onde entamó la perturbación y que van propagandose a velocidá constante en toles direcciones de forma qu'algamen al mesmu tiempu puntos equidistantes del centru la perturbación. 
A que mola. 
Que te digo yo Sofía, xugamos al "veo, veo"?



martes, 11 de noviembre de 2014

Autorretratu

Colecciono moscas, pero nun toi llocu, ¿por qué?
Colecciono moscas, pero nun tan lloques, ¿y qué?


jueves, 6 de noviembre de 2014

Falemos del tiempu en versu; por falar dalgo

Pa falar del tiempu necesítase un ascensor (dicen);
o qu’el branu llegue mas p’allá d’ochobre colo qu’ello supón;
aunque pasar del calor al friu ensín usar una rebequina tamien sirve;
y ver les primeres ñeves na sierra l’Aramu da una bona conversación de chigre;
nel trabayu, lo que mas abunda ye’l tema la calefacción;
como en casa: “madre, si nun ta ni de nube”.
Si ye branu porque fae calor.
Si ye iviernu, porque llueve y fae frio.
Na primavera salen toles flores.
Y la seronda… ¿visteis la seronda per dalgún llau?




jueves, 30 de octubre de 2014

Quien a fierro mata...

Fierro nes altures, y na tierra...
Na tierra óxidu ocre y resistencia quebrada.




jueves, 16 de octubre de 2014

miércoles, 24 de septiembre de 2014

Actividaes estraescolares

A ver mama, papa; o queréis que vos llamemos vieyu y vieya, como facieis vosotres nos años ochenta colos vuesos pás y les vueses más. ¿Nun vos dais cuenta, que lo de da-y a les manes colo del tallarín esi, solo vos mola a vosotres? A nos, molanos más la danza contemporánea, la improvisación; lo que vosotres decís que nun entendéis.
Aunque claro, que vais entender si entá vos ponéis como ñus cuando escucháis una canción de los melenas aquellos… ¿Cómo lleren? ¿Los Bee Gees? Joder, si hasta nos macrofestivales popis esos a los que vais lleven al Raphael.
¡Vamos! Que pasamos del cocodrilu, del tallarín y de la moto de Pachín. Que lo que nos mola ye reinterpretar a François Delsarte o a Mary Wigman y non el plié, el bugué, el pat de bugué o’l grand plié.
Que si, que vamos a balé si queréis, pero al que nós escoyamos.
¿Vale?




lunes, 8 de septiembre de 2014

Insert Coin

Y cuando meyor lo távemos pasando, llegó’l momentu de dexalo y volver a la vida.



viernes, 22 de agosto de 2014

Canta cigarra

A veces, la espera cansa, vuélvese tediosa.
A veces ye triste y a veces allegre.
Y otres veces…, dalgunes veces…, la espera duel.




martes, 12 de agosto de 2014

Prestoso Fest 2014

Ale, ale; ya tá, ya pasó.
¿Prestote? Ye de lo que se trataba.
¿Recuperaste pa la siguiente?
 …
Que quies, con esa edá tuya…




jueves, 7 de agosto de 2014

Ni dios ni amu ni Beach Boys que-yos cante

Va progresando agostu y los dies nel taller son de lo más pindio. 
L’aguya cuerre pelos surcos d’un discu imaxinariu de los Beach Boys; vemos símbolos d’ideoloxies llibertaries nos baxos de les silles; ocúrrensenos metáfores místico/surrealistes qu’amesten pasau y presente; fae calor y barruntamos tar incubando un malintencionau catarru estival. 
Vamos, que necesitamos con urxencia unes vacaciones.