lunes, 5 de mayo de 2014

Relente cerebral

Muncho se fala de los mares de nubes que se ven dende les cumes; d’eses impresionantes postales que tenemos al sobrepasar esa barrera climática qu’implica un: “nun se pa que subo si nun voi ver ná” y pasa a un: “aaalaaaaaaaa!!! mira que guapo ho!!!” Cuantes semeyes pa inmortalizar esi momentu máxicu.


Y que poco se fala de les primeres anuncies de la primavera; mas n’asturies, con unes estaciones tan marcaes.
Les biesques desnudes cobren vida poco a poco y trepando poles roques, van enllenándonos los güeyos de colores nuevos.
Sssssshhhhh!!! calla-y; vamos garrar aire depués del esfuerzu fechu pa subir tan altes y cenciellamente vamos perder el tiempu en ver como el mundu xira, en notar como poco a poco vamos avieyando mientres too camuda y nada pasa. Vamos ser como motes de polvu. Vamos a quedanos quietes y nun molestar.
Llega la primavera.



3 comentarios: